كل ما تشربون الماي وكت العطش ذكروني
يا شيعتي وكت الشرب ذكروني دلالي ظامي
عدواني من ماي العذب حرموني
إنا الذبيح بلا ذنب سلبوني والجسم دامي
دمع الحزن والإشجان يا شيعة لا تنسوني
إنا الغريب العطشان وكت العطش ذكروني
يا شيعتي رغم أعداي وكت العطش ذكروني
يا شيعتي نار العطش بين احشاي تلهب وتسري
گلبي انخمش فكري اندهش من دنياي وليدري يدري
فوگ الترب خدي أنفرش بخيل أعداي هشمت صدري
يا شيعتي بجرد الخيل عگب الجتل سحگوني
جمر العطش هد الحيل وكت العطش ذكروني
يا شيعتي رغم أعداي وكت العطش ذكروني
شيعتي لو يوم انفگد منكم شاب عنكم تأخر
ذكروني من شفت الولد جسمه أنصاب بالدم تعفر
غابت الروح من الجسد لمن غاب عن عيني الأكبر
لفراكي إلك ظل مالوم ونخمد نور أعيوني
انا الوحيد المظلوم وكت العطش ذكروني
يا شيعتي رغم أعداي وكت العطش ذكروني
يفگد عضيده وبي غدر هضم البين وجور الفجيعة
خل يذكر مصاب الگمر والجفين ظلت گطيعة
بين ألعده وسهم الگدر صاب العين يم الشريعة
حيل أنهدم عل عباس خابت عليه أظنوني
بيض المدامع يا ناس وكت العطش ذكروني
يا شيعتي رغم أعداي وكت العطش ذكروني
لو شفتو عريس أنفجع والأحزان زيدت همه
اتذكرو بجاسم من وگع عل تربان والحنة دمه
بدال العرس نحره انگطع والعدوان وذرت جسمه
بدال العرس دمه يزيح ومصابة غير لوني
جني أسمعت صوته يصيح وكت العطش ذكروني
يا شيعتي رغم أعداي وكت العطش ذكروني
شيعتي لو منكم طفل گلبه يذوب وينگطع نحره
يذكر رضيع المنجتل بلأي ذنوب وبگلبه جمره
عبد الله نحره منفصل وعل مصيود نسجب ألعبره
بعيني شفت طفلي أنصاب يا شيعة لتلوموني
جبدي أنفجع گلبي ذاب وكت العطش ذكروني
يا شيعتي رغم أعداي وكت العطش ذكروني
لو شفتو علم حيره والأيام جارت عليها
اتذكرو أعيالي أميسره بدرب الشام واغدرو بيها
والحرم مدمعها جره علايتام وميسريها
وتنادي زينب بدموع منهو اليشد اضعوني
جاوبها رأس المگطوع وكت العطش ذكروني
يا شيعتي رغم أعداي وكت العطش ذكروني
________________________
حيرني الدهر بحسين
حيرني الدهر بحسين وعليا ثگل همه
لا اگدر اعو فنه ولا اكدر أظل يمه
شلون امشي وأعوف حسين جسمه
موسد الغبرة وبٌحر الشمس عاري
دمه يسيل من نحره يا هو يغسله خلافي
يا هو ينزله بگبره ويا هو يوسده بلحده
ويشلع سهم البجبده
خنصره لجفه يرده
جسمه عل ثرى مطشر
يا هو ليظل ويلمه
حيرني الدهر بحسين وعليا ثگل همه
لا اكدر اعو فنه ولا اكدر أظل يمه
شلون اگدر أظل وياه وهاي النوگ جابوها
يردوني الحرم للشام عگب الخدر يسبوها
يا هو إلي يباريها لو رادو يمشوها
هي بس جمع نسوان عدهن ما بگت وليان
بس واحد بگى وجعان جسمه من المرض بالي
لا بي عرج الهمة
حيرني الدهر بحسين وعليا ثگل همه
لا اكدر اعو فنه ولا اكدر أظل يمه
شلون اگدر امشي ويظل عباس
مرمي عل المس نايه يمه مگطعه زنوده ويمه الجرب والراية
شگله إلي يگلي وين حامي الضعن والثايه
اگله عل النهر نايم يمه العلم والصارم
ما يرضه گمر هاشم أروح ويا الغرب يسره
ويبقى عل النهر جسمه
حيرني الدهر بحسين وعليا ثگل همه
لا اكدر اعو فنه ولا اكدر أظل يمه
جفلني وجابني وياه
وعاهدني يرد وياي
شلون امشي ويظل عباس
مطروح عل نهر الماي
ما والله عليا يهون امشي بيسر ويا أعداي
شگله لو يناديني يزينب ليش عفتي ني
تمشين وتخليني وإنا مگطعه جفوفي
جسمي مغضب بدمه
حيرني الدهر بحسين وعليا ثگل همه
لا اكدر اعو فنه ولا اكدر أظل يمه
شلون ابگى وأشوف الروس شالوها ألعده على أرماح
واسمع الحرم حنت وگبر لليتامى صياح
يا هو الينزل يرجب من عدهم طفل لو طاح
وأنا اتجفلت بيهم ارجبهم وأباريهم
شلون ابگى وأخليهم هاي أتصيح
يابن أمي وذيج أتصيح يا عمي
حيرني الدهر بحسين وعليا ثگل همه
لا اكدر اعو فنه ولا اكدر أظل يمه
شلون امشي وأخوية حسين عيني أتشوف جتاله
وأشوف عل الرمح رأسه يعاين ذلت أطفاله
والله أتحيرت يا ناس بالمظلوم وعياله
لو اگدر أظل وياه وأعوف الحرم ويا أعداه
لا اگدر على فرگاه عساني لكربله لا جيت
وأتحير با أبو أليمه
حيرني الدهر بحسين وعليا ثگل همه
لا اكدر اعو فنه ولا اكدر أظل يمه
--------------------------------------------
يالگَاصد لگبر حسين اوگف وانحني ا بابه
كل دمعه على الخدين واسجد قبل أعتابه
يا حسين
يالزاير لون كبره يلوح لعينك من بعيد
سلم واعقد النية واقره الحمد والتوحيد
واطلب من أبو السجاد كل ما تطلب وشتريد
أصعب واتلف الحاجات عندك لكل وكت سهلات
طبع الرزق بالنيات كل مطلب وسيله يريد كل موقف إلى أسبابه
عن حسين أبو أليمه يا سامع خبر مشهود
يتناقل كل مجلس وبكل الكتب مذكور
كل من يعتني يزوره يريد منه الگلب مسرور
بگبره تبرد اللهفة وجمرة حسرته تطفه أذا عندك مرض تشفه
تبره علتك ويطيب كل من ترابه
لتخلي العجب والشك ما بينك وبينه يحول
لو همك جبل ينزال وبفضل الحسين يزول
كرامه خصصه الباري الدعاء بگبته مقبول
ومن تتوجه بدعواك يالزاير أريد انخاك
أريدك تندعيلي وياك
بتربة كربلاء حنيت ودموع ألغربه سجابه
يزاير يزاير يزاير يزاير
يزاير لو رحت انخاك لمن توصل لگَبره
عوض عني أريد أتشم مكان ألبي نزف نحره
اختنقت ريتي وحنيت يا يوم أشم عطرة
وكله خادمك ينال المطلب العندة
وگلبه أبابه يشده
علك لو حصل أمراده يرد يمك من غيابة
نذر لحسين لو رديت ناذر اعتني له زحوف
گلبي يسبكً اجدامي وبگبر أبو أليمة يطوف
واحني أضلوعي على شباك واحضنه بلوعة الملهوف
اشكي شعندي من الأم واخبره بدورت الأيام
وازور الأكبر وجسام
قبل ما أودع أبو أليمة ازور أهلي وفه أصحابه
وتعنه لعضيد حسين عباس الاخو الوفاي
لگبله ما قبل يشرب ويتهنه بلذيذ الماي
واگله من گبر زينب جايبلك أنا سلام وياي
غيورة أطباعه معروفة كريم يحي بضيوفه أنا اعذره مقطعه جفوفه
العرض العادي
